ಹುಡುಕಬೇಕಿದೆ ನನ್ನ ನಾ..

ಕಾಲೇಜು, ಟ್ರಾಫಿಕ್ ಗಳ ನಡುವೆ..
ಲ್ಯಾಬ್, ರೆಕಾರ್ಡ್, ಟೆಸ್ಟ್, examಗಳ ಮಧ್ಯೆ..
ಕಂಪ್ಯೂಟರ್, integreted chipಗಳ ಒಳಗೆ...
ಮರೆತು ಹೋಗಿದ್ದೇನೆ ನಾನು..
ಬಾನಂಗಳದ ಚುಕ್ಕಿಗಳಿಗೆ..
ಸುಪ್ರಭಾತದ ಹಕ್ಕಿಗಳಿಗೆ..
ನನ್ನ ಕವನದ ಅಕ್ಷರಗಳಿಗೆ...
ಕಳೆದುಹೋಗಿದ್ದೇನೆ ನಾನು ಮತ್ತೆ ಹುಡುಕಬೇಕಿದೆ...
ಬೆಳದಿಂಗಳ ನೋಡದೆ..ತಿಂಗಳು ಎರಡಾಯಿತು..
ಸೂರ್ಯೋದಯ ಸವಿಯದೆ..ವರುಷವಾಗಿದೆ..
ಹೊಳದಂಡೆ ಅಂಚಲಿ ಪಾದವ ತೋಯಿಸದೆ...
ಕಾಲು ಒಣಗಿ ಹೋಗಿದೆ....
ಕಳೆದು ಹೋಗಿದ್ದೇನೆ ನಾನು ...
ಮತ್ತೆ ಹುಡುಕಬೇಕಿದೆ....
ಒಮ್ಮೆ ಅಮ್ಮನ ಮಡಿಲಲ್ಲಿ ಮಗುವಾಗಬೇಕು..
ಅಜ್ಜಿಯ ಬಳಿ ಕುಳಿತು ..
ಹಲಸಿನ ಹಪ್ಪಳವ ತಿನ್ನಬೇಕು....
ಮತ್ತೆ ನನ್ನ ಹುಡುಕಬೇಕು...
ಮಾತಾಡಬೇಕು ಬಾನಂಗಳದಹಕ್ಕಿ ಚುಕ್ಕಿಗಳ ಜೊತೆಗೆ..
ಮತ್ತೆ ನಾನು ನಾನಾಗಬೇಕು..